تجي يارب
هذي قصيده لشاعر المبدع
>
أتمنى تعجبكم
على الموعد بلهفه جيت .. لامانع ولا تأخير
لفيت من العصر هايم مع أن الموعد المغرب
وجتني بس أنا مدري شعرت الجية هذي .. غير
وهي تقرب من عيوني .. شعرت ان الممات اقرب
وقلت: الله يهونها ..عسى في جيتك لي خير
أنا من شفتك اقبلتي وانا خايف ومستغرب
على كثر الحكي مدري كأنه خانها التعبير
قالت لي جمل وأشياء لا تكتب ولا تعرب
هدت فجأه تطالعني وأنا في حاجه التفسير
لجل نحكي بهدوء أكثر سألت الحلوه وش تشرب
وصاحت بي .. أنا أحبك .. ولك في هالحشى تقدير
وتدري ان المثل فينا .. وفي إحساسنا ..يضرب
صحيح أنك وفي وأنك بري من تهمة التقصير
ولكن ذي عوايدهم من أيام وزمن يثرب
تكون البنت لأبن العم .. ورغبات الكبار تصير
وتدري الأقربون أولى مع أنك للخفوق أقرب
وتدري للقدر كلمه لعادات الأهل تأثير
لذا أرجوك تتركني .. وأنا من دنيتك باهرب
شعرت بحكيها كنه قصاص وأمر بالتعزير
شعرت الدنيا ضاقت بي من المشرق ليا المغرب
مشت خلت وراها طفل ما يدرك وش التدبير
يحسب ان الغرام اشعار شاعر .. وأغنية مطرب
ضحكت وماقدرت اني الأقي لضحكتي تبرير
من اللي بوقتنا مره .. ضحك من لدغة العقرب
رفضت استوعب اللي صار ولا استسلمت للتغير
ثمان سنين .. اجي نفس المكان بحزة المغرب
برغم ان الثمان سنين جرح.. وكلفتني كثير
أنا لليوم اجي وأدعي ..تجي يا رب .. تجي يا رب
الرئيسية 
